“Дэлхийн топ сургууль хүршгүй холын мөрөөдөл биш” нээлттэй өдөрлөг боллоо

“Дэлхийн топ сургууль хүршгүй холын мөрөөдөл биш” туршлага хуваалцах нээлттэй өдөрлөг 2022.04.30-ны Бямба гарагт амжилттай зохион байгуулагдаж өндөрлөлөө.
Өдөрлөгөөр Стэнфордод $280,000-ын тэтгэлэгтэйгээр тэнцсэн 12а ангийн сурагч Б.Нинжин өөрийн туршлагаасаа хуваалцаж, хүрэлцэн ирсэн залуусын сонирхсон асуултанд хариулсан бол зочноор уригдан ирсэн Стэнфордын төгсөгч, Улс төрч Ц.Оюунгэрэл өөрийн сонирхолтой, хөгжилтэй түүхүүдээрээ дамжуулан гадны топ их сургуульд суралцахдаа анхаарах ёстой зүйлсийн талаар чухал зөвлөмжүүдийг өглөө.
Уг өдөрлөгийн бас нэг сонирхол татсан зочин бол Хамфригийн төрийн хэргийн сургууль, Миннесотагийн их сургуулийн төгсөгч Х.Цогтбилгүүндарь байлаа. Тэрээр TOEFL-ийн өндөр оноогүй ч дэлхийн шилдэг их сургуульд суралцсан түүхээсээ хуваалцаж, хүрэлцэн ирсэн залуусын урам зоригийг бадраасан юм.
Урилга хүлээн авч, мөрөөдлийнхөө төлөө зогсолтгүй урагшилж буй хүүхэд залуустай туршлага, мэдлэгээ харамгүй хуваалцсан хүндэт зочиддоо баярлалаа!
Нийт хүрэлцэн ирсэн сурагч, эцэг эхчүүддээ мөн баярлалаа! Мөрөөдлийнхөө төлөө өдөр бүр хичээн, боломж бүрийг ашиглаж чадаж байгаа та нар маань үнэхээр мундаг байна!
Холбоо барих
  • Баянзүрх дүүрэг, 3-р хороо, Цэнд гүний гудамж “Шилдэг” сургууль
  • (976) 7000 9400
  • info@shildeg.edu.mn